All Shlokas

इन्द्राद्या लोकपाला हरिविधुतपना नागविद्याधराद्या
द्वेष्याः सर्वेऽपि देवाः प्रिय तव वरदः कोऽस्ति वन्द्यो गरीयान्।
श्रुत्वा वाचं प्रियाया इति दशमुखतः प्राह वाक्यं दशास्यः
शूली शंभुः पिनाकी शिवभवपशुपः शर्व ईशश् च भर्गः॥

Ravana challenges the divine hierarchy by proclaiming Shiva as supreme, questioning the worth of other gods. With poetic reverence, he glorifies Shiva...

shiva (328) ravana (28) divine hierarchy (2) cosmic gods (2) devotion (933) praise (189) challenge (13) supremacy (14) poetic titles (1) bhakti (70)

इन्द्राद्यैः किं प्रदत्तं प्रदिशसि धवलं धाम धन्यं यदेभ्यो
मह्यं यन् नापि धत्से तृणघटितकुटीं किं मया तेऽपराद्धम्।
विश्वेभ्यो विश्वमातर्वितरसि यदि वा शर्म कर्मानुसारि
प्रोत्तुङ्गायाः कृपायास् तव तुहिनगिरेः पुत्रि कुत्रोपयोगः॥

A devotee questions if the blessings of gods matter, pleading to Parvati, the daughter of Himavan, for mercy beyond karmic destiny.

goddess parvati (1) karma (500) fate (402) divine grace (43) maternal mercy (1) questioning gods (1) despair (67) humility (596) spiritual pleading (2) cosmic justice (3)

इन्द्रानिलयमार्काणाम् अग्नेश् च वरुणस्य च।
चन्द्रवित्तेशयोश् चापि मात्रा निर्हृत्य शाश्वतीः॥

इन्द्राभ्यर्थनया पूर्वं भरताय चतुर्मुखः।
प्रमोदाय महेन्द्रस्य नाट्यं समुपदिष्टवान्॥

इन्द्राय वीक्षमाणस् तन्मुखमास्वादयन्ननन्ताय।
स्पृहयामि चाद्य दयिताम् आलिङ्गन् कार्तवीर्याय॥

इन्द्रियं विजितं येन तेनैव भुवनं जितम्।
यश् चेन्द्रियैः पराभूतः स सर्वत्र पराजितः॥

इन्द्रियस्येन्द्रियस्यार्थे रागद्वेषौ व्यवस्थितौ।
तयोर्न वशमागच्छेत् तौ ह्यस्य परिपन्थिनौ॥

इन्द्रियाणां जये योगं समातिष्ठेद् दिवानिशम्।
जितेन्द्रियो हि शक्नोति वशे स्थापयितुं प्रजाः॥

इन्द्रियाणां जये शूरो धर्मं चरति पण्डितः।
सत्यवादी भवेद् वक्ता दाता भवति वा न वा॥

इन्द्रियाणां तु सर्वेषां यद्येकं क्षरतीन्द्रियम्।
ततोऽस्य क्षरति प्रज्ञा दृतेः पादादिवोदकम्॥